Të tjera përgjime janë zbardhur nga dosja prej 416 faqesh e Prokurorisë së Katanias, Siçili, ndaj Moisi Habilajt dhe bashkëpunëtorëve të tij.

Shumica e përgjimeve të policisë italiane duket se janë bërë në ambiente të ndryshme, por kryesisht në makinën e Habilajt, i cili duke besuar se mjeti ishte i pastër fliste pa problem.

Një prej zbulimeve të policisë janë edhe mesazhet e koduara mes trafikantëve.

Në një bisedave, Moisi Habilaj i tregon Armando Sulajt se si duhej tyë fliste me italianin Gianluca në lidhje me drogën. Sipas Habilajt, Dani (Armando Sulaj) duhej ti dërgonte Gianluca një mesazh me tekstin: ‘Kome frau ti pasau a febre’.

Ky mesazh do të thoshte nëse kishte ikur policia apo jo. Kjo bisedë më pas do të vazhdonte me komunikime për drogën që do të vinte.